2012年11月7日

2012.11.7 隨口噏 ... 香港人嘅的士智慧


今日有路人甲講開  「去冰滝大可以喺JR駅打的去吖，15分鐘就到，五

千円度，有數為吖！駛乜行餐死呀？」 完全發揮香港人嘅的士智慧，伸手牌無處不達 C9_27 … 又唔錯得晒喎 C9_73 不過理論歸理論，到實戰嗰陣，又會暗藏其它問題噃 C9_58 … 就豚媽所見，冰滝駐車場附近，莫講係的士等客吖，就連其它途經嘅車両都冇 (自家嘅乘用車除外) C9_11 冇商店亦冇電話亭，如果唔係帶定手提叫定的士 C9_51 基本上係冇車走嘅 C9_21 ... 咿~ 我忽然想起一段往日嘅小插曲喎 C9_26 …



C9_213 話說喺2005年2月10日大年初二，和豚家連同小同事一行三人，去咗和歌山県嘅那智勝浦玩，登山兼浸温泉 C9_86 ... 食完午飯，搭巴士喺大門坂落
車，沿熊野古道步行上山 C9_109 到尾站那智の滝，行吓、玩吓、影吓 C9_111 到17:20左右就一心諗住搭尾班 (17:40) 巴士落山返酒店 C9_46 幾條友坐喺巴

士站冰冷嘅長櫈度，睇住個天越嚟越黑，啲車 (自家嘅乘用車) 一架又一架咁
開走，最後連對面小商店個老闆娘都熄燈鬆埋人 C9_44 全個山頭就好似瞬間凝結咗咁 16 只剩番車站同遠遠嘅電話亭兩支燈，同三個呆等嘅港人 C9_17


嗰時大當家望一望錶，見已經17:45喇！唔對路喎 32 (喺日本，一般情況下
，巴士誤點可以講係百年難得一遇嘅怪事 C9_06 ) ！於事大當家就依站牌上嘅冧巴打去問巴士公司啦 13 點知~ 得到答案係「尾班車已經開出咗，今日冇車架嘞 」當然亦冇理會我哋被困山上嘅哩個事實啦 C9_91 … 好凍

、無助，個腦一片空白嘅豚媽，連「點算」都冇講，就將解決問題嘅重任卸咗俾大當家 C9_23 …


大當家都費事理我，自己一個人行開咗 Photobucket ~ 行咗去電話亭度，四五分鐘後就返過嚟，話已經叫咗的士嘞 02 5~7分鐘後的士就到，而喺我哋坐緊的士、落緊山嘅途中，我哋就見到嗰架足足遲咗25分鐘先上緊山嘅巴士 C9_75



咁究竟喺大當家行咗去電話亭之後發生咗乜嘢事呢？C9_56
… 大當家去得電話亭，就梗係去求救、搵幫手啦 C9_104 不過喺電話亭度，連電話簿都冇本，除咗個電話外，就只有當地警察處嘅電話 25 … 打到去，

妙就妙在，佢哋只係俾咗一個的士公司嘅電話號碼佢唧！(睇嚟喺日本做警察都應該幾易食吓呀 C9_06 完全無視有人被困山上 ) 大當家咪唯有硬住頭皮打電話去的士公司叫車囉  20 好彩嘅係 C9_104 的士肯漏夜上山，兼且個location唔算太撟口咋！lucky~ 29 至於錢呢~ 算把啦 C9_208


於 11/07/2012 10:39:00 下午
標籤：

4 則留言:

  1. 豬肉丸2012年11月7日 晚上11:50

    先唔講有冇車先 一來一回要成萬円 好拿脷唧 我就搭唔起喇

    [和豚媽媽 回覆 11/08/2012 11:03:12] 唔一定係錢嘅~ 要去的話，總會有辦法，今日冇，聽日總會有

    回覆刪除
  2. 小肥2012年11月8日 上午9:27

    . . 又系我. . . . 我唔識講日文, 有無邊個會聽英文嘅的士台介紹 . . . , btw, 我會記得叫的士叔叔1粒鐘反返嚟接我. 哈哈哈 ^o^

    [和豚媽媽 回覆 11/08/2012 11:17:22] 吓~ 識聽英文嘅的士台？佢哋其實識聽嘅，明唔明就佢哋自己先知喇 ... 不過我覺得與其叫個的士叔叔一粒鐘後返嚟接你，倒不如質錢俾佢，叫佢喺度等你好過啦 ... 不過由駐車場行入冰滝大約要20~30分鐘，一來一回連停留時間，起碼都要個半鐘先夠噃

    [ck 鼠 回覆 11/08/2012 23:29:08] 我連英文都唔多識，唔知會唔會咁好彩，俾我遇到個識聽廣東話既的士呢 ? 要的士等個半鐘，不如索性行去啦 !

    [和豚媽媽 回覆 11/09/2012 00:02:50] 都好噃~ 如果佢識埋潮州話、客家話同台山話就仲好 ... the best way is 同佢傾啱價錢，包佢半日，等佢車你去多幾個景點就最好

    [小肥 回覆 11/09/2012 09:21:16] 睇嚟 . . . 我都系多D 出嚟, 大家會開心D . . .

    回覆刪除
  3. Nerissa2012年11月8日 下午2:35

    n 年前試過喺富士山中湖miss咗尾班車, 結果好彩截到順風車, 原先以為載到河口湖便算, 點知最後載我地返新宿

    [和豚媽媽 回覆 11/08/2012 19:29:32] 咁你哋真係好好彩喇！為人為到底，送佛送到西吖嘛 ... 不過倒返轉諗，如果遇唔到好心人，冇順風車坐都唔知點算囉

    [Nerissa 回覆 11/09/2012 14:57:22] 咁咪要喺冰天雪地瞓街

    回覆刪除
  4. 路過蜻蜓2012年11月9日 上午9:37

    我N年前同幾個朋友去北海道(無plan行程, 無上網揾時刻表嗰隻, 只係攞住本歐陸), 有日下午去大沼公園, 黃昏時諗住去搭JR回程, 點知原來尾班車已開出, 最後人生路不熟, 又唔識日文, 就只好搭的士, 5個人每人盛惠港幣二百幾.......

    [和豚媽媽 回覆 11/09/2012 11:05:26] 如果再有四五個人出發都應該係同亞爸亞媽去，打死都自駕，唔係要自己俾晒的士錢，就真係死咗佢好過喇

    [Nerissa 回覆 11/09/2012 15:04:26] 嗰次喺洞爺湖車站想去昭和新山, 點知原來冬天係冇巴士, 剛好遇到幾個香港人, 佢地話坐的士, 但佢地五人一架的士坐唔晒, 有一個女仔坐我地架車, 嗰次坐咗4,500円左右, 但我地唔好意思收佢錢

    [和豚媽媽 回覆 11/09/2012 15:39:17] 我和歌山哩轉坐咗万四円，好在嗰陣係七算咋

    [路過蜻蜓 回覆 11/10/2012 22:31:16] 萬四円我睇左四萬円, 哈哈哈!! 嚇死我!!
    Nerissa, 下次不如我跟埋你去日本, 咁你應該樣樣都唔好意思收我錢喇...

    回覆刪除

訂閱： 張貼留言 (Atom)