2014.5.1 隨口噏 … 反轉倫敦 "24"

7.10 隨口噏 ... 新一季日劇「半沢直樹」

一套TBS日9嘅新劇，搞到豚媽我成4點鐘先有得瞓  宜家其實攰到半死
但又忍唔住要出番個post嚟噴吓口水花，幫佢造吓勢嘅「半沢直樹」 … 不過都唔駛我造勢啦，第一集兩個鐘嘅special一出街，已經有成

19.2%嘅高收視，打破晒有史以來7月份連續劇嘅記錄，亦hit爆日本各大小chatroom，氣勢一時無兩

2012.9.2 隨口噏 … 大河ドラマ 第52作 「八重の桜」

NHK嘅大河ドラマ由昭和38年 (1963年) 首播，每年播一個劇目，到今年已經

第51個年頭，喺過去嘅51劇目入面，豚媽我只係睇過其中嘅10個，包括「利

家とまつ～加賀百万石物語～」「新選組！」「義経」「功名が辻」「風林

火山」「篤姫」「天地人」「龍馬伝」「江～姫たちの戦国～」同仲出緊街

嘅「平清盛」

2012.8.29 隨口噏 ... 全新一季日劇10月開鑼

今季嘅日劇，無論陣容、劇本，甚至演員嘅表現都係歷年之最，齋睇收視已經

略知一二，即使係豚媽稍為滿意嘅「Ghost Mama搜查線」亦只有大約11點

嘅慘淡收場；反而將會喺下個月開鑼嘅秋季日劇，好似有番啲睇頭咁喎




 富士嘅月9係木村搭香里奈嘅「Priceless」，木村今期打破多年嘅型男

形象，去演一個被人屈而失去管理要職嘅失落中產，一夜間跌到人生谷底嘅佢  繼而從貧窮生活中領會到人生意義，發憤圖強 … 

香里奈會演一個平凡內向嘅OL，將會同木村有感情線，發揮應該一般  反而最期待嘅係，實力派演員中井貴一  喺劇入面會飾演一位被木村信賴嘅上司，能夠有幾大嘅發揮，就要睇劇本嘅安排喇

而究竟近日狀態回軟 (脹爆 ) 兼演技日漸殭硬嘅木村君  能唔能夠handle到哩個角色，係我最擔心嘅，亦係成套劇嘅關鍵所在  … 成也木村、敗也木村！睇你嘞~ 睇你點減嘞




TBS月9劇「ダブルフェイス」，開忠名義以無間道為藍本改編  以香川

照之飾演嘅黑道臥底高山亮介同警方臥底森屋純 (西島秀俊飾) 嘅正邪角力，去正面對撼木村嘅Priceless，相信會係秋季日劇最激烈嘅一戰

論牌面，當然係Priceless略勝一籌啦  但香川照之哩位演員亦不容忽視

，佢簡直就係日劇嘅詹瑞民，從來唔受角色限制，而只要係無間道嘅劇本改編得好嘅話，擺明就會贏開巷  不過唔理誰勝誰負，我都希望只係險勝就好喇，因為咁代表我將會睇到兩套好戲  … 我係咪貪心咗啲呢？






富士嘅火10就有関西テレビ嘅「ゴーイングマイホーム」Going My Home
超期待嘅演員陣容，有阿部寛  仲有久休16年後復出嘅山口智子，嗚~ 再搭宮崎葵同西田敏行，哈哈哈 …


第二個我唔講，就係山口智子嘅悠長假期同王樣のレストラン，令我走上煲日劇嘅不歸路架喇  至於阿部寛~ 早就係豚媽心目中嘅視帝啦  仲唔贏晒 … 唔係，應該係冇得輸


故事大約講，阿部寛同山口智子哩對40代嘅打工族夫婦，點樣互相扶持，共渡難關


今次関西テレビ請嚟精於描述細緻情感嘅名導演是枝裕和為哩套劇負責編劇同導演工作  擺明就係送俾山口智子回歸嘅大賀禮啦 





朝日嘅木9有米倉涼子嘅「DOCTOR X～外科醫生・大門未知子～」，雖然米

倉唔係收視嘅褔將，但自從04年睇過佢嘅「黒革の手帖」後就一直有follow佢嘅劇


故事大約講，醫學天才 36歲嘅大門未知子 (米倉涼子飾)，雖然擁有一流嘅手

術造藝，但又唔屬於任何組織嘅自由職醫生，一洗傳統大醫生形象，着住穿迷

你裙穿梭唔同嘅醫院去解決一啲奇難雜症，簡直就係「ハケンの品格」嘅白衣版  





富士嘅木10係「結婚しない」，由菅野美穂、天海祐希同玉木宏擔綱演出
講述三個唔同背景，各自有唔同問題嘅30代不婚男女嘅故事，不過哩類故仔一向都吃力不討好  無他嘅，日劇最大嘅票倉係家庭主婦，佢哋都

上晒岸咯，仲邊會對獨男同剩女有興趣同共鳴吖？就算豚媽我都淨係捧菅野美穂場咋嘛






TBS金10嘅係「大奥 〜誕生〜［有功・家光篇］」，故事講述三代女將軍家

光 (多部未華子飾) 同後宮三千美男嘅大奧嘅形成，而堺雅人將飾演公家出身
，家光嘅側室有功  而緊接［有功・家光篇］後，仲會有劇場版推出，

到時將會由菅野美穂接棒飾演五代女將軍綱吉，而堺雅人仍然會飾演另一角色，謎之男右衛門佐

講開堺雅人，歌舞伎出身嘅佢，舞台功架就梗係好啦  自04年佢第一次

拍劇，參演新選組嘅山南敬助嗰陣已經留意佢，跟住嘅篤姫，佢嘅古裝扮相都有佢獨特嘅攝人氣魄  即使同木村君一齊拍「南極大陸」，佢都出得到
而最近仲憑「Legal High」入面嘅賤男律師而人氣飆升㖭
至於個女角，多部未華子呢~ … 算把啦 





NTV土9嘅係「惡夢ちゃん」 由恩田陸嘅小說「夢違」改編，講述由北

川景子飾演小學老師戸井彩未，外表熱血有理想，而內心泠漠無情嘅佢，喺唔

多情願嘅情況下，幫助有預知夢能力嘅學生，合力解決咗一啲將發生嘅社會危

機，從而內心因而改變；而男角Gackt一人分飾兩角，分別係惡夢入面嘅夢王

子，同利用預知夢作惡嘅大反派

北川景子根本唔係我杯茶  反而係出於對男角Gackt嘅好奇  多年前

喺堂本兄弟第一次見佢出場，全場女觀眾馬上尖叫，係風頭足以蓋過光一嘅王子樣  咁多年嚟面口保持不變，俾木村君有過之而無不及呀   





最後係TBS日9嘅「MONSTERS」 由大口仔 (香取慎吾) 同山P (山下智

久) 合演嘅警察故事，唔期望會有乜嘢新鮮感，睇嘅原因只有一個，大口仔我支持你


以上並唔係全個秋季日劇系列，只係豚媽透過自家嘅喜好而pick up嘅唧
並冇經過任何精密計算，如果你跟住去睇嘅話，即使日後發覺劇情或者演出者演技未如理想，我豚媽一律唔會承擔任何責任