2014年12月5日

2014京都秋楓行 ... 旅後感

C9_73 不經不覺返咗香港成個禮拜,買返嚟嘅和菓子食得八八九九嘅今日,㗳住杯一保堂嘅綠茶開始寫吓旅後感 C9_23 五晚嘅大阪京都秋楓行以紅葉做主

,即興嘅旅程最難係book酒店,仲要撞啱啲㗎仔三連休,期間京都酒店價錢比紅葉更火 C9_18 連乜都冇嘅Apa Villa一晚雙人房亦叫價近兩萬,冇法啦 ... 鬼叫你要去襯熱鬧咩?C9_110



臨近出發前,各大小forum同FB陸續有人出相,其中見有個網友神器盡出,估計一背囊器材約值九萬 C9_20 不過大當家話哩位仁兄係雀友一名,保守估計有唔少過四十萬家檔,哩度只係零頭嚟唧 Photobucket ... 嘩~ 真誇張~ 我哋哩啲三幾萬貨仔嘅小學雞都係静静雞企埋一邊,睇吓相好啲嘞 C9_104 



今年京都啲紅葉比往年早咗成個禮拜,見傾嘅只係人頭,而且天氣認真麻麻,九成時間天陰落雨,雖然冇靚靚紅葉,但就有「忠犬小八」C9_86








喺嵐山區跑場中嘅芸妓




有錢都未必請得到嘅「太夫」級芸妓






** 2014/12/6 18:19 追加 **


18 則留言:

  1. 咁少相?? 出多啲啦, plan緊下年11月京都啊, 因為年底前要換AM機票, 諗緊11月邊日出發好, 今年京都紅葉早左咩? 你係玩邊幾日? 我以為同舊年差唔多添.... 11月19日出發玩12-14日, 應該無走雞啩?

    回覆刪除
    回覆
    1. 睇紅葉預報廿幾號仲有好多地方見頃喎!!

      刪除
    2. 我24號到,例年應該20-25左右見傾,出發前一星期見人哋啲相已經好爆,又吹話因為天氣凍,啲紅葉會lasting得耐啲,結果我哋一走,連落兩場大雨,啲葉就全部打晒落地 ... 天氣嘅嘢真係講唔埋

      刪除
    3. 你去左邊幾個寺啊? 仲有想問吓點樣影一堆紅色既花或者幾棵楓樹唔會影到一pat pat?

      刪除
    4. 祇王寺、厭離庵、天龍寺、昆沙門堂、三千院門跡、実光院、南褝寺、永觀堂、青蓮院門跡、清水寺、高台寺、下鴨神社、東福寺、醍醐寺 ...
      至於影紅葉呢~ 我覺得大留家都係影到一pat pat咋喎 :P

      刪除
    5. 嘩, 5日去咁多地方, 勁啊!!! 出個精華篇睇下先啦!!

      刪除
    6. 當你扣起啲食飯時間嘅時候就好多地方都去得到架嘞 :))
      btw 宜家京都有好多地方開始禁止攝影嘞,請注意 8->

      刪除
    7. 禁止攝影??點解啊?例如邊度?唔去嗰啲地方囉!

      刪除
    8. 事源係部分寺廟以地方淺窄兼且攝影者嘅惡質manner為由,全院或局部禁止攝影;惡質manner包括濫用腳架,阻礙其他參拜人仕,胡亂踐踏已欄之區域,肆意破壞樹木之類;當然一間開頭,其他亦會陸續跟隨,可能三兩年後,京都寺廟會全面禁攝都未定 :-?
      補充:惡質攝影者並非直指強國人,以今年親身體會,亂開腳架,肆意亂嚟嘅有印度人同日本人 [-(

      刪除
    9. 咁你上面講嗰啲寺院有無禁止攝影,因為我大部份都會去,禁止的話我就唔去嗰啲喇!

      刪除
    10. 基本上腳架全面禁用,天龍寺有部分內堂禁攝,而醍醐寺嘅三宝院就完全禁止攝影 [-(
      不過京都嘅禁攝風似乎有蔓延嘅趨勢,最好臨近出發再向各寺廟確認一下好啲 :-?

      刪除
    11. 唔該晒啊!! 實在有太多問題, 你都係快啲出遊記啦!! >:)

      刪除
    12. 追加1張咁多................

      刪除
    13. 唔駛客氣!只要每個攝影者都嚴守自身,希望佢哋遲吓會放寬番啦!
      至於遊記~ 慢慢先啦!反正啲相又唔係咁滿意。

      刪除
  2. 回覆
    1. 靚相就冇嘞,爛相就一大堆!加多張嚟「銀」吓你哋對眼啦!

      刪除
  3. 「忠犬小八」已經好靚啦,唔知點解,我見親呢o的景深相片已經覺得好靚o架喇 :))
    「太夫」級芸妓當然勁,淨係件和服已經價值不菲啦 !

    回覆刪除
    回覆
    1. 隻「忠犬小八」都幾可愛架,全程好乖咁喺度等,不過就 ...
      至於套靚靚和服可能係承傳自佢阿娘都未定,因為佢阿娘都係太夫!

      刪除