2013年9月9日

2013.9.9 隨口噏 ... Yahoo大遷徙 - 搬家記事


自從Yahoo Blog宣佈會摺埋之後,搞到一眾blog民人心惶惶,和豚家亦係今次大遷徙嘅一份子,雖然唔係啲乜嘢巴閉嘢,但總算軟着陸,平安落户blogspot,宜家就同未搬嘅朋友分享吓我嘅搬家實戰心得啦;
 
一切由「資料備份」開始 ... 當收到Yahoo通知後,下載咗已經打包咗嘅zip檔
解壓後見到幾個files同folders,不過我哋用嘅係一個MT(movable type)同存相嘅 "images" folder




哩個時候,先下載一個叫 "blogtrans-1.1.0.zip" 嘅小工具
解壓後,先將MT滙入blogtrans,再滙出blogger啱駛嘅Atom XML




喺Goolge apply一個Google Drive (雲端硬碟),再上傳整個"images" folder
然後右click folder,將「共用」set 為「公開」






再右click多次,click「詳細資料」,抄低URL備用



用word開之前轉出嚟嘅XML (Y2B.xml)




click 「取代」,將"../images/" 取代為頭先抄低嘅URL
... 搞掂!啲相已經連好晒



去blogspot度click「設計」-> 「設定」->「其他」-> 「滙入網誌」
滙入啱啱修改完嘅XML






恭喜你,你嘅Yahoo Blog已經搬晒過嚟,喺blogspot從生嘞!


註:由於喺Yahoo備份包入面嘅留言係炒埋一碟兼殘缺(有遺漏)嘅,哩個係原生問題,你可以話Yahoo廢「咁都做唔好」,不過佢有幾叻,大家心照啦! ... 先天不足,雖然可以後天補夠,但喺哩度唔多講嘞!


以上係豚媽我嘅搬家記事,並非啲乜嘢精密科學,啱使嘅留言俾個「Like」,唔啱嘅就自由發揮,反正哩個世界「冇最好,只有更好」就係啦!


34 則留言:

  1. 多謝你既分享,我叫左花先生幫我睇,唔明再問!

    回覆刪除
    回覆
    1. 哈哈~ 你問我,我都係幫你問大當家咋嘛 (^O^☆♪

      刪除
    2. 我已捉左花先生一齊睇,佢睇完就話“好簡單0者~“…一早問佢又唔理人…真係俾佢激死~一。一“
      不過值得一讚,大當家表達得好簡潔清楚!連我都看似看得明白呢~ haha~

      刪除
    3. 咿~ 你都看似好醒目喎 (^∇^) 細個飲邊隻奶粉架? p(^_^)q
      我叻過你呀~ 我由頭到尾都冇諗過要明,有人做就得嘞 (((o(*゚▽゚*)o)))

      刪除
  2. 好幸福呀~ 恨c隔離!( ̄∀ ̄)

    回覆刪除
    回覆
    1. 一個懶人身邊總得要有人做嘢嘅 *・゜゚・*:.。..。.:*・'(*゚▽゚*)'・*:.。. .。.:*・゜゚・*

      刪除
    2. 我好認同豚媽既觀點,kaka ~

      刪除
  3. . . . 有人做就得嘞 (((o(*゚▽゚*)o))) 我認同 !!! (╰_╯)# (*^__^*) 嘻嘻……

    回覆刪除
  4. 唉, 你地個個都有另一半幫手就好啦:), 我就要自己硬食, 仲要係好冇信心:(

    回覆刪除
    回覆
    1. Kitty好大機會今日搬,照做應該唔難,男人留番嚟搵錢好啲 (^○^)

      刪除
  5. 你好呀!!完本放棄搬yahoo嗰blog啦,不過睇咗你個教學,心思思都係試吓搬啦!!

    已經完成咗啦!!唔該晒!!

    回覆刪除
    回覆
    1. 恭喜晒!應該唔太難吧 *・゜゚・*:.。..。.:*・'(*゚▽゚*)'・*:.。. .。.:*・゜゚・*

      刪除
    2. 都攪咗一個下午呀!! 另外八卦一下, 你個2011年百万食の旅爛咗尾嘅??
      嚟緊農曆新年我都去中部自駕遊(1行6大1小)!!睇緊你D料編行程!!

      白川鄉我7月中book民宿(可以fax或email或台灣代訂網)都已經全full!!(lightup日或之前一日都冇房)!! 現在改住高山2晚(1日遊白川鄉,1日遊高山)

      刪除
    3. 最近搬先發覺未寫完,遲啲會補番嘅 (^O^;)
      白川鄉大大小小有幾十間民宿,有好多只提供電話預約,你可以試吓搵白川鄉嘅觀光案內所幫忙打聽吓,不過哩個唔係佢哋嘅工作,幫只係人情 ...

      刪除
  6. 回覆
    1. 唔好放棄, 奸爸爹!!!!!!

      刪除
    2. 放棄舊post咪即係拋棄回憶~ 諗到哩度就應該有返啲搬家嘅動力架嘞 (^_−)−☆

      刪除
  7. 可唔可以幫我睇下面呢段野啊, "同じ区間"を2度乗車することはできません...所指既係同一個巴士站唔可以上2次車, 定係"由萱野茶屋至十和田湖區域"啊, 因為我諗住萱野茶屋至十和田湖之間去2個景點啊!!
    "青森駅、新青森駅、十和田湖、子の口からのきっぷをお持ちであれば、萱野茶屋(八甲田山麓)から十和田湖の区間で何度でも途中下車できます。(ただし、同じ区間を2度乗車することはできません。)
    たとえば、青森⇒十和田湖のきっぷをお持ちの場合、酸ヶ湯温泉でバスを下車し1泊して、翌日に酸ヶ湯温泉からバスに乗り奥入瀬渓流を散策後、十和田湖方面へ行くことができます"

    回覆刪除
    回覆
    1. 哩段嘢應該係出自JR東北巴士嘅みずうみ号嘅;
      意思指:萱野茶屋到十和田湖間可以途中落車,再繼乘,但就唔可以返復使用,屬於「單向票」,因為車票有效期係兩日,所以如果中途喺酸ヶ湯溫泉住一晚,第二日依然可以順方向續乘
      但如果要返青森方向嘅話,就要再買一次車票喇,另外有種係兩日嘅pass,不在此限,可以往復使用

      刪除
  8. 咁即係我可以買張由子丿口到青森巴士卷, 第一日行完奥入瀨由子丿口搭去燒山住,第二朝搭去蔦温泉落車,玩完再喺八甲田山ropeway落車玩,最后去青森都无问題啦。

    回覆刪除
    回覆
    1. 仲有啊,我sent email去烧山間旅館佢話紅葉期好爆無房,但係之後喺樂天就book到同一間旅館,究竟係咪真係有房㗎,我驚到時無得瞓。

      刪除
    2. depends你搭乜嘢去奥入瀨啦?但買張單程子ノ口到青森嘅車飛,順住玩兩日係OK嘅 ... 唔駛驚!楽天firmed得你就實有 (^_−)−☆

      刪除
  9. 想問由YB搬過來既post如果係"關注blog友"同"私人回應"會點架?

    回覆刪除
    回覆
    1. 好簡單嘅唧!Yahoo根本冇pack到哩兩樣嘢俾我哋 σ(^_^;)

      刪除
    2. 咁如果係非公開既網誌呢?? 會唔會嚟到呢度變晒公開架....

      刪除
    3. 唔好意思,我冇非公開既網誌,所以答你唔到(^ー^)ノ

      刪除
    4. 小肥搭咀:烏鴉比你嘅包包有私人網誌,如果系用Blogtran轉換,只要上载入Blogspot時唔用直接發表,先存為草稿,等你睇清楚先發表就無問題啦

      刪除
    5. 咁如果我輕鬆搬家搬去xuite呢?

      刪除
    6. 小肥正準備試。。。

      刪除
    7. 已試!私家post冇得留低,而且Xuite𣿬出嚟嘅MT,blogtrans係唔啱食嘅,可能要再經第3個平台再轉一次先搬到過嚟blogspot ... 希望答啱咗你想要知嘅嘢啦 (⌒-⌒; )

      刪除
  10. 係時間準備搬blog,環顧咁多指南就係豚媽呢個睇得明:-bd

    回覆刪除
    回覆
    1. "不過我哋用嘅係一個MT(movable type)同存相嘅 "images" folder"
      呢個"images"folder 係咩黎架?:-S

      刪除
    2. 個"images"folder入面之唔係你存喺YB嘅相囉!個MT同"images"folder都會係YB pack俾你個zip入面

      刪除