7.10 隨口噏 ... 新一季日劇「半沢直樹」

一套TBS日9嘅新劇，搞到豚媽我成4點鐘先有得瞓  宜家其實攰到半死
但又忍唔住要出番個post嚟噴吓口水花，幫佢造吓勢嘅「半沢直樹」 … 不過都唔駛我造勢啦，第一集兩個鐘嘅special一出街，已經有成

19.2%嘅高收視，打破晒有史以來7月份連續劇嘅記錄，亦hit爆日本各大小chatroom，氣勢一時無兩



近年臨瞓前都鍾意睇吓日劇，攝吓時間嘅豚媽，一向都唔太好哩啲政治角力戲嘅  (上一套已經係10年前嘅「白い巨塔」嘞  )，但睇完個演員陣容 … 嘩~  堺雅人、香川照之再搭個上戶彩㖭  點知一睇之後就收唔到掣，不能自拔

劇情簡介
泡沫經濟下嘅日本銀行界，就好似一隻會生金蛋嘅雞  作為融資課長嘅半沢直樹 (堺雅人飾) 喺受好大喜功嘅支店長淺野嘅壓力下  批出咗5億冇抵押嘅貸款俾西大阪鋼鉄   不過擺明呃錢，造假賬兼隱瞞負債嘅西大鋼最終都摺埋咗  而淺野哩條友呢~ 受常務大和田 (香川照之飾) 嘅慫恿下，將隻鑊卸俾咗半沢  而半沢誓要同哩班牛鬼蛇神角力兼親手追返嗰5億 個故仔就係咁發展落去嘞  … 不過內裏應該暗藏玄機噃