2013年4月16日

2013 新春九州美食開運之旅 ... Day 2 (10 Feb) part 5 ... 長崎遊蹤(三) ... 思案橋拉麵、夜會眼鏡橋



C9_208 由於冇打算去稻佐山影夜景,所以唔駛趕上山霸位嘅和豚家,可以喺酒店慢慢hea住等天黑,再斯斯然咁行埋下半場 24 唔靠GPS,亦唔駛睇地圖

,喺大波止場跟住一排排燈會嘅燈籠行,唔駛10分鐘就返到浜町一帶嘅商店街 C9_69 ...


入夜嘅燈會會場,人數同朝早比可以講係倍計 C9_104 咁啱行到有段有show睇噃,講緊嘅只係有兩條友仔喺處玩扯鈴唧 C9_26 哩啲咁有中國色彩嘅表演,又點會吸引到和豚家吖!不過就吸引住近百嘅㗎國子民留步欣賞  … 問題就嚟喇~ C9_18 行行吓停低睇嘅又有,順方向行嘅又有,反方向行嘅都有,完全自由冇皇管 C9_11 一時間一百幾十人,個個心口對心口、心口隊背脊咁

互不相讓,一場估佢唔到嘅失控場面,居然喺充滿中華風嘅長崎出現,而嗰種靜雞雞嘅鬥力方式,充份表現出日本人嘅嗰份堅毅同忍耐 C9_23 (換轉喺強國,可能早就大打出手嘞 C9_75 )


#01




#02

哩張係做緊人肉夾心嗰陣影嘅 C9_83 人人零距離
企唔穩之餘,影完又放唔番低隻手 C9_62


推推撞撞咗20分鐘,突然感覺到一隻上帝之手,將迷失喺激流入面嘅和豚救番出嚟 (其實係大當家將豚媽喺人堆度掹番出嚟就真 C9_86 ) … 胸口都仲有啲翳住翳住嘅豚媽 C9_44 同大當家講「橫掂都係影吓相唧!不如去食嘢先,晏啲冇咁多人先再行過啦 C9_19」... 咁嘅環境,大當家又點好意思逆豚媽意呢~Photobucket 喺冇人反對嘅情況下,順利通過,改去開餐先 C9_212


#03
再次經過食茶碗蒸嘅吉宗,仲係大排長龍,絕對係「由朝排到晚」嗰隻呀 C9_45


長崎除咗蜂蜜蛋糕出位外,雜錦拉麵亦係另一代表作 C9_73 豚媽聽講哩度有間舖頭仔深受地道長崎人嘅愛載 (連伽利略都幫襯過幾次呀 C9_23 ),一場嚟到就梗係要趁吓熱鬧,就算要排隊都係咁話啦 C9_15



・思案橋ラーメン@長崎市
#04
咪以為我影街呀~ 全部都係排隊嘅人,啲人居然多到夠質爆我部iphone喎 C9_86


#05
舖仔細細得嗰廿個位,兩條友煮麵
大大話話有四五十人喺度排緊隊,唔知要排幾耐呢 C9_37


#06




#07
邊個話望梅可以止渴架?望住啲dummies,越睇就越肚餓 C9_18


等成個鐘都先排得嗰一半,餓到腳仔軟嘅豚媽,見到排前邊有幾個六七歲嘅妹妹,居然好醒目咁帶埋摺櫈嚟坐 (好明顯係地膽,同經過長時間訓練啦 C9_19 ) … 真係羨慕死人呀 C9_45
「唔食拉麵心不死」況且唔排都排咗咁耐嘞 … 唔~ C9_26 一於叫大當家去買啲補給返嚟,實行食住等 C9_46 … 點知佢一去就十幾分鐘,到嗱住盒たこ焼返嚟嗰陣,都差唔多到我哋咁滯喇 … 留番你自己慢慢食啦 C9_110



五分鐘過後,終於都到我哋嘞 … 仲唔喳喳淋落單等食咩 C9_56

#08

C9_213 拆解思案橋ラーメン人龍不滅嘅神話:

人氣加上位少係人龍嘅誘因,但依豚媽嘅實地觀察,人龍之所以不滅呢~ 全靠老闆娘一手做成 C9_104 … 豚媽眼見老闆娘成日mon住舖外嘅人龍  有時

八個人走,佢先放兩個人入,務求保住條人龍,keep住個人氣,到臨尾見得番個零鐘收工先正常賣位 … 咁就令和豚家等足75分鐘 C9_91 (正路計應該半個

鐘內搞掂),雖然成功保住人龍不滅,但要搞到客人捱餓苦等,有做勢之嫌 C9_06 … 認真唔要得呀 C9_58

#09




#10
舖入面有唔少藝能人嘅簽名板



#11
當然唔少得嚟長崎取景拍「龍馬伝」嘅番組啦



#12
仲有~ 仲有6個~ 百份百土生土長嘅長崎仔,褔山雅治嘅簽名 C9_83


#13
チャンポン (雜錦拉麵) ¥750



#14
皿うどん (炒雜錦拉麵) ¥800

啲麵其實都OK嘅,尤其係大當家個炒麵 C9_26 但值唔值得等咁耐呢~ 就見仁見智嘞 C9_37 如果肯老老實實咁做生意,咪唔駛俾豚媽數囉 C9_93


#15

食完出嚟都仲有十幾人排緊,真係吹佢唔脹
亦令豚媽我諗起喺香港用大陸魚充日本貨嘅板X寿司 C9_23


#16

唉~ 醫飽肚都成九點幾,行返出銅座川嘅燈會會場度影燈籠 C9_83 都影唔得幾耐就已經開始熄燈㖭 … 收工 C9_33

#17





#18




#19




#20




#21




#22




#23





#24




#25





#26





#27




#28





#29




#30





#31




#32

今朝實在太早起身喇~ 玩到宜家已經冇晒電 C9_56 沖完涼就即刻上床瞓 C9_102 事關聽日仲要去霧島搵草間婆婆呀 C9_45 … 點知瞓到矇矇矓矓 C9_94 仲見到大當家食緊たこ焼嘅身影㖭 … 唔通我發緊夢 C9_37



… 全日完 03 多謝觀看 C9_85 …


6 則留言:

  1. 乜原來有粉紅色燈籠架 巧靚巧特別呀 以前只見過黃色燈籠既相咋......其實哩間d雜錦拉麵味道得唔得呢? 另外見好似度度食野都要排隊咁 會唔會因為燈會至多人咋

    [和豚媽媽 回覆 04/16/2013 13:04:08] 長崎燈會嘅主調係紅色同黃色嘅燈籠,而粉桃色嘅只有喺銅座川附近先有,算係限定品掛,燈會期間人多就梗架啦!但並唔係每間食巿都大排長龍噃,有人龍嘅十隻手指都數得晒,一般門口得3幾隻人嘅,咪同平時閒日差唔多,而思案橋ラーメン嘅雜錦拉麵味道屬中上而偏淡,不過要啲客人喺門外呆等就唔多妥當喇,幾好食都係假啦!咪正如大當家話齋「卿本佳人,奈何作賊」囉

    回覆刪除
  2. 有無多人成咁啊!! .
    如果我見人條人龍咁長, 我會搵第二間lu
    個燈會好中國feel喎....

    [和豚媽媽 回覆 04/17/2013 10:57:44] 為食冇辦法啦!人就係咁架喇!越係難食得到嘅就越想去試,頭45分鐘係排隊嘅耐性,跟住就係執着 ... 其實對過份中國風嘅長崎唔係太大興趣架咋,都係為食而嚟,所以一啲中國味過濃嘅景點,已經避得就避,可免則免嘞

    回覆刪除
  3. 有幾個日本城市特別鍾情, 函館, 神戶, 還有就是長崎, 因為都揉合了西方和中國的色彩.

    [和豚媽媽 回覆 04/18/2013 10:58:38] 可能係口味啦~ 總係覺得長崎嘅中國味比函館、神戶都濃得多,甚至有少少蓋過應有嘅日本味㖭!幸好全日只遇到五六個講普通話嘅華橋咋,如果唔係~ 仲以為自己身在上海或者廣州㖭

    回覆刪除
  4. 就咁睇相,咁多中式燈又咁鬼多人,我以為你返左強國玩

    [和豚媽媽 回覆 04/21/2013 11:47:25] 咪係囉~ 所以今次只係路過性質,半日貨仔,食咗兩餐已經好心滿意足嘞

    回覆刪除
  5. 咁中國味濃嘅地方唔啱我,去得旅行就係想感受唔同嘅環境氣氛 …… 長崎應該都冇咩機會會去了

    [和豚媽媽 回覆 04/21/2013 11:48:21] 咪係囉~ 所以今次只係路過性質,半日貨仔,食咗兩餐已經好心滿意足嘞

    回覆刪除
  6. 好心急呀! 快d勤力d寫多幾日俾我抄抄抄啦,霧島我睇旅遊書除左神社我都唔知有咩好去,什麼草間婆婆,睇了好幾本書都唔見有介紹

    [和豚媽媽 回覆 04/21/2013 22:15:12] 唔好催我啦~ 一陣我心急又寫錯嘢,又或者你心急而抄錯,咁就得物冇所用啦

    回覆刪除