2013年2月2日

2013.2.2 隨口噏 ... 「虛驚一場」Jalan以後唔做中、韓旅客?


「Jalan以後唔做中、韓旅客」C9_20 哩個話題最近熱爆台灣各大小旅遊聊天室,事源自台灣中視嘅一篇報導 C9_73 內容係有台灣旅客接到經Jalan發出嘅

予約取消通知,更傳有台灣旅客到埗後至知訂房被取消而傍徨無助咁誇張㖭 C9_21


C9_213 喺哩單獨家猛料報導入面,中視嘅日語記者仲打去日本嗰邊求證
對方嘅回應話「因為跟據過往嘅記錄,十居其九嘅中、韓旅客都會no show,所以今後唔再接受中、韓旅客嘅予約嘞




嘩~ 爆啦~ 仲唔爆咩?人哋話「中国同韓国人」呀 C9_66 報導一出,各大小旅遊聊天室即刻議論紛紛  甚麼「唔中副車,台灣客慘被牽連」「中共搞垮台日關係」嘅怪論比比皆是 C9_13 … 但又係咪事實呢?C9_37


解鈴還需繫鈴人,第二日Jalan方面馬上聯絡中視澄清 「其實係日本酒

店單方面嘅決定,取消經由Jalan嘅台灣客予約,咁樣Jalan嘅系統就會自動發

email通知客人,而Jalan方面亦冇唔再為中、韓旅客服務嘅意向,亦就事件向有關酒店發出警告」咁話喎 C9_26





雖然話事件只係「虛驚一場」C9_56 中視不但將錯誤嘅報導忘記得一乾二淨,更將茅頭轉向直指取消予約嘅一方為「惡質酒店」   而嗰個誤將酒店嘅

言論冠以Jalan嘅名義嚟報導,搞到滿城風雨嘅「惡質傳媒」就逃之夭夭,真高呀 C9_93



「惡質酒店」同「惡質旅客」就好似雞同蛋,咁究竟係有雞先吖,定係有蛋先呢?C9_37 豚媽之前刨blog嗰陣,就見過有blogger當笑話咁講  話自己

點勁,喺北海道前後booked咗十幾間酒店,多到都唔記得booked咗邊幾間,所以全部都冇取消到 C9_91 ... 咁如果亞茂又booked十幾間,亞寿又booked十幾間,全部都no show嘅話 C9_66 咁唔單止其他人book唔到房,仲連香港人個朵都俾佢整臭晒呀 C9_53 所以唔想有「惡質酒店」,就先由源頭做起,做個負責任嘅優質旅客,咁咪天下太平囉
C9_19



6 則留言:

  1. 啲人咁衰架, book幾十間又唔取消, 仲要係網上話俾人知, 真過份!!!

    [和豚媽媽 回覆 02/03/2013 01:43:47] 哩啲咪叫個「o趙完唱」囉 做咗啲衰嘢,仲曰無其事咁周圍話俾人聽,仲自誇好叻女呀!

    回覆刪除
  2. 中視擺明做假啦 攞段同酒店既對話當Jalan既出街 換轉係香港 早就比人剷上天花板啦
    而果個over book完又唔cancel就係害群之馬 影衰香港 但九成no show會唔會誇張左d呢

    [和豚媽媽 回覆 02/03/2013 12:04:39] 一啲都唔誇,如果好似我咁,行程改咗三四次,而每次又book唔同嘅酒店,又唔跟手取消噃咪有囉 ... 人哋打開門做生意嘅又點會同錢作對吖?但平價細酒店真係好易俾哩啲book酒店狂玩死架咋 ... 就好似我最近幫朋友訂富良野嘅民宿咁,都要來來回回四五次email先留到房,對方仲要求我喺住嗰日嘅一星期前再確認多次㖭,真係如臨大敵一樣呀!不過都唔怪得人嘅,聽講美瑛、富良野嘅民宿係放飛機嘅重災區呀

    [小肥 回覆 02/04/2013 18:39:53] 我都可以咁講. . .嗰d no show 嘅台灣 booking 已經唔系一時半刻嘅事. 台灣都有blogger 自發希望搞番好個朵, 不過, 台灣嗰d 以 cheap 為榮嘅玩法 . . . 唉, 實在唔系咁易改變 . . .

    [和豚媽媽 回覆 02/04/2013 20:38:56] 其實同cheap唔cheap玩又冇直接關係嘅!我都好cheap架咋!亦唔應該怪人哋取消予約唧,自己個朵咁差,人哋唔敢接你訂都好正常吖!不過舊日爾已,希望各位打從今天起,嚴守自律咁對方自然會禮待你架啦

    回覆刪除
  3. 我 book 立山既旅館都係架,會要求你喺入住前一星期、以及前一日再確認多次的,我諗就係因為果o的害群之馬囉 ! Book 左咁多房唔住又唔取消,真係好自私同冇品 !

    [和豚媽媽 回覆 02/03/2013 13:40:29] 長遠嚟講,我諗Jalan都係訂房嗰陣收credit card好啲,如果唔係,他日啲酒店、旅館齊齊唔接中台韓咪仲衰

    回覆刪除
  4. 去旅行book 酒店已經麻煩, 通常酒店send email confirm 咗就唔會點再留意, 如果去到至話冇咗真係唔知點算, 喊都無謂.

    [和豚媽媽 回覆 02/04/2013 16:23:20] 所以咪要有check email嘅習慣囉,而台仔宜家就斬腳趾避沙蟲,避開Best Hotel唔訂,但只要仲有訂房狂魔,遲早咪又到第二啲hotel跟尾

    [Nerissa 回覆 02/05/2013 13:31:55] 所以有時都好驚miss d email, 尤其係我通常行程都幾長, 有時出發咗尾嗰d 酒店至叫confirm, 所以一定帶住部net book, 而家好d帶個pad就得.

    回覆刪除
  5. 小肥預先恭祝和豚媽媽 你一家人 ~ ~ ~
    蛇年進步, 蛇年旺相!! 身體健康, 事事順利 !!
    喺北海道見啦 !!

    [和豚媽媽 回覆 02/08/2013 17:11:42] 我都祝小肥有心有力,蛇多啲去北海道,不過我要喺九州見噃!

    回覆刪除
  6. 車........REGISTER果陣都唔使寫國籍嘅
    個地址同拼音都係COPY AND PASTE....

    [和豚媽媽 回覆04/21/2013 22:07:31] 只要各盡本份,做個有誠信嘅中國人,如果佢咁都唔做我哋生意,只係佢嘅損失

    回覆刪除