2012.9.2 隨口噏 … 大河ドラマ 第52作 「八重の桜」

NHK嘅大河ドラマ由昭和38年 (1963年) 首播，每年播一個劇目，到今年已經

第51個年頭，喺過去嘅51劇目入面，豚媽我只係睇過其中嘅10個，包括「利

家とまつ～加賀百万石物語～」「新選組！」「義経」「功名が辻」「風林

火山」「篤姫」「天地人」「龍馬伝」「江～姫たちの戦国～」同仲出緊街

嘅「平清盛」





而講到同大河ドラマ結緣呢~ 就係2004年，由大口仔飾演近滕勇嘅「新選組！」開始 ...

話說有日同豚媽剪緊頭髮嘅石本氏，講開大口仔有套新劇 ばばば~~ 好奇心嘅驅使下，搵咗集嚟睇睇  唔~ 終於明解一套時代劇點樣可以吸引住一位年輕前衛嘅髮型師嘞 ... 最好笑嘅係  之後石本氏仲個個禮拜搵豚媽追攞碟㖭

其實多數以戰国同幕府年代做背景嘅大河ドラマ，又點止日劇咁簡單吖 

喺每集嘅結尾都會有幾分鐘嘅紀行去介紹同套劇背景有關嘅景點，松本、褔

島、金沢、四国、鹿児島等等，冇邊度見唔到大河ドラマ嘅旗仔，甚至連和菓子都有㖭  … 而新一輯嘅「八重の桜」就係以会津嚟做背景，據講有關方面仲寄望套劇可以帶番旺受311影響嘅福島旅遊業咁話喎   






「八重の桜」故事嘅主人翁，山本八重 (綾瀨遙飾) 弘化二年 (1845年)

生於会津藩 (宜家嘅褔島県) 嘅槍炮世家「山本家」，以兄長為學習對象嘅佢，自少學得一手好槍法  佢仲喺戊辰戰爭中，剪短頭髮，同其他500位

女仕拎起支槍，披甲上陣，上演咗齣「仕把乸500」，去保衛被攻擊嘅鶴ケ城 幾堅呀！後人仲稱佢做「幕末聖女貞德」㖭  …


步入明治時代，再嫁 (第一任丈夫係藩校日新館嘅教授川﨑尚之助，短短嘅婚

姻喺戊辰戰爭前結束，而尚之助亦喺戰時失咗蹤㖭) 咗俾個曾經放洋米国，同志社大学嘅創辦人 新島襄  改冠夫姓，正名為新島八重  ... 婚後嘅

八重，無視男尊女卑嘅傳統，唔叫「夫上」不特止，仲直呼佢老公嘅洋名「阿Joe」㖭  阿Joe唔單止唔嬲，仲大讚佢係handsome woman，真係吹佢唔脹呀  同期仲開始從事教育同傳道活動，直到甲午戰爭同日俄戰爭，仲以日本第一位護士嘅身份，隨軍上戰場 因而贏得「日本南丁格爾」嘅美喻  ... 昭和7年 (1932年)，佢嘅傳奇人生走到終結，享年86歲

新島八重真身

「八重の桜」將會2013年1月首播  全50回予定，都應該播到11月尾12月嘞  






時代劇就睇得多喇，但起用降谷建志 (Dragon Ash嘅主音)  一個咁Yo嘅演員，睇怕都前無古人囉  真不愧為The story of Handsome
Woman，夠晒前位呀