2012年9月22日

2012.9.22 隨口噏 ... 和豚日遊警示 [左右難分]



「尖叫列島」買島事件沒完沒了,繼強國嘅超大型反日遊行示威,同日本遊客

香港街頭遇襲後 (噚日同上海朋友app開,其實上海亦有類似襲擊事件,只不

過係新聞被封鎖咗唧!),對家亦不甘示弱,還以顏色 …




喺9.19位於神戶嘅中華同文學校被人縱火,而9.22右翼團體將喺東京市內發

動反中国遊行,目的地係東京嘅中國領事館,據聞日本嘅防衛省仲已經制定好

戰爭方案,為喺冇米国支援下,除時擊沉入侵嘅中国船隻㖭!似乎日政府比強

國更想郁手,PK吓喎!





和豚日遊警示:去日本嘅旅遊人仕,除咗要帶夠錢外,為自身嘅安全,應盡量

避開右翼份子,因為佢哋奉行軍国主義,反中排華 … 問題係,點樣分左右翼

呢?額頭又冇鑿住嘅,敵友難分喎!



※ 喺哩篇post出之前,強國已經發出咗旅遊警示,叫國民日遊要小心自身安

全,唔知遲吓香港會唔會緊隨其後呢?


5 則留言:

  1. 琴晚放工返屋企 老婆話六點半新聞話咩日本準備開戰 但到晚間新聞又見唔到, 今朝係yahoo新聞終於見到.........唉!!其實d㗎佬諗乜架?

    [和豚媽媽 回覆 09/22/2012 11:57:44] 個個人嘅新年願望都係「世界和平」,但原來都唔係真心說話,心裏頭嗰句係「你順晒我咪世界和平囉」

    [和豚媽媽 回覆 09/22/2012 12:15:52] 二次大戰後,日本被禁再擁有軍隊,所以至有自衞隊嘅出現,日政府一直都想軍事復辟,而邊個首相做得到,就會變為民族英雄,改寫歷史 」... 況且,之前同契哥買落嘅軍火又快到期喇,仲唔嗱嗱淋攞出嚟用咩 ... 契哥:「唔駛驚!用晒再同契哥買

    [豬肉丸 回覆 09/22/2012 12:54:39] 豚媽果然厲害 一語中的 契哥應該係花旗國無誤

    回覆刪除
  2. 啱啱喺丫烏japan度見到:福岡県内,有中華料理店俾人掟石破壞 ... 睇嚟日本民間都有人開始發癲嘞

    回覆刪除
  3. 又颱風又尖叫,次次出發前都總係有啲問題出現

    [路過蜻蜓 回覆 09/25/2012 00:22:26] 八号波又試過,黑色旅遊警示又試過,今次唔通打孖黎?

    [和豚媽媽 回覆 09/25/2012 01:54:30] 你有試過黑色旅遊警示出發咩?

    [和豚媽媽 回覆 09/25/2012 02:41:34] 台風18号係哩個星期有影響唧,到你出發都轉晴啦,可以放心玩 ... 至於「尖叫」,唉~ 唔做啲喧賓奪主、討人厭嘅嘢,應該唔太大問題嘅

    [路過蜻蜓 回覆 09/25/2012 16:29:35] 真的真的?? 311地震嗰轉係紅色定黑色?? 我諗緊人地問我由邊度嚟, 我應該答.......

    [和豚媽媽 回覆 09/25/2012 17:03:08] 311嗰陣香港政府曾向東北4個県發出黑色外遊警示,包括褔島、宮城、茨城同岩手,3個月後轉至紅色 ... 問你邊度嚟,就梗係「香港」啦!如果佢再問你「應為尖叫誰屬」,就應該馬上鬆人

    [路過蜻蜓 回覆 09/27/2012 00:24:30] 唔識分左右翼, 只係識分雞中翼

    [和豚媽媽 回覆 09/27/2012 01:23:23] 咁咪佢唔食,你要食囉

    [路過蜻蜓 回覆 09/27/2012 22:48:17] 台風17號似乎吹到正啊

    [和豚媽媽 回覆 09/27/2012 23:28:08] 個17号好似突然為你轉向咁

    [路過蜻蜓 回覆 09/28/2012 00:00:30]

    回覆刪除
  4. hong kong ppl has no political sense....

    [和豚媽媽 回覆 09/26/2012 01:53:04] 又唔可以話冇嘅,起碼佢哋知道宜家中國係由共產黨執政囉!只不過係分唔到黨同國唧 ... 日本係一個抑壓內斂嘅民族,你見佢哋嘅自殺率咁高就略知一二啦!唔通去三幾次日本就了解到日本人咩?小妹不材,俾我再對多佢哋十年都未必睇得透佢哋呀

    回覆刪除
  5. 今晚睇完無記新聞 話日本由議會 政黨到民眾都開始有右傾既吹勢 大阪甚至有議員話 "唔承認有慰安婦 要求日本開發核武 同自衞隊應該升格做自衞軍"睇完覺得熟口熟面唔知係邊度聽過, 最後先記得原來豚媽之前講過.......中晒! 不過寧願唔中

    [和豚媽媽 回覆 09/27/2012 23:31:23] TBB算有番啲sense,泊得住我

    回覆刪除