2012.1.29 終於返到香港嘞 扣頭扣尾,實玩五日,數落景點唔多,但非常充實,印象難忘,如無意外,明年會再次九州,再續未了緣
講返轉頭,以前咁多年、咁多次都從來冇諗過去九州,直至311後,先扚起心肝九州行 經上海轉福岡,機票唔貴,連稅兩個七千有找 … 抵玩
但到12月,打算plan行程嗰陣先知舐嘢 收到風1月尾會有寒流,大部份景點都有機會受影響 而刨blog嗰陣又發覺大部份都係倒模行程兼勁少冬天料 於事乎行程一改再改,由原先嘅由布院改黑川,再改白水,改到最後住兩晚秘湯,去嘅景點,個個禮拜唔同 直至大當家網度識咗個住九州嘅攝友 先起咗一啲意想不到嘅化學作用 我哋覺得好受用,正正因為大不同
#02
#03
#04
#03
#04
今期係我哋部手機響得最多嘅一次,有真心亦有假意,當中有來自其中一間旅館嘅叮祝,嗰份窩心感,足已抵擋刺骨嘅寒風 而假意呢~ 容後再講啦 …
#05
明. . . 自己睇完再搵路去. . .哈哈哈 ^o^
回覆刪除[和豚媽媽 回覆 02/04/2012 12:07:37] 印象中,嗰啲景點都冇公交到嘅,其中有個仲係冇電話、冇map code,連地圖都冇show,靠口傳嘅所謂秘境㖭!如果你搵到,不妨俾個私留同我確認吓吖 ヾ(≧∇≦*)〃
[小肥 回覆 02/04/2012 12:19:26] ok ^ ^
[Nerissa 回覆 02/04/2012 15:41:02] 小肥快d去搵路, 返黎問你就輕鬆好多 :)
[ck 鼠 回覆 02/08/2012 22:59:16] 我都係咁話,小肥搵料最掂,我幫手 …… 等 ! 嘻嘻 ~
#01 好得意 不折不扣雪屐呀 n.n 好好~ 如果個個一樣就冇意思喇 =V///..
回覆刪除[和豚媽媽 回覆 02/04/2012 12:17:27] 唔係話大路景點唔好,但一啲冷門景點,無咁商業化,保留原有嗰種raw嘅味度,哩啲新意思,比一切都重要! (メ▼ー▼)
冷門景點, 睇到都開心.
回覆刪除[和豚媽媽 回覆 02/04/2012 21:00:15] 景點冷門亦未必一定係好架,可能係不受歡迎而被冷落唧 (メ▼ー▼)
[川廿口夫 回覆 02/04/2012 21:33:34] 其實冷門又好, 熱門又好, 最緊要自己個旅行開心. 而我自己無得去住, 睇人地遊記都咁開心
[和豚媽媽 回覆 02/04/2012 22:43:52] 啱聽,完全同意,去旅行但求滿足自己,其它都係其次呀 (メ▼ー▼)
I LIKE 秘景呀!等睇相丫。
回覆刪除[和豚媽媽 回覆 02/04/2012 22:43:59] 秘景?大油啲都沖落山呀 (メ▼ー▼)
九州之友提供既景點, 睇怕都係嗰啲自駕遊先去到既地方, 我應該無份 :~( 係喎, 你復活節飛唔飛啊??
回覆刪除[和豚媽媽 回覆 02/05/2012 00:15:17] 有少部份可以搭公交架,其它就要自駕遊囉!不過佢提嗰啲景點今次都去唔晒,唯有留返下次去!三月頭會去東京做嘢,復活節唔飛喇 … 留返俾你哋啲有錢人去玩啦! 呵呵!
[路過蜻蜓 回覆 02/05/2012 00:30:23] 哈哈,你仲有錢啦,二月飛完三月又飛。等睇秘景啊,快啲post啦!
[和豚媽媽 回覆 02/05/2012 00:48:24] 阿妹,我3月係去工幹咋! 點同你呢~ 去親日本都係玩!秘景冇咁快寫到呀,頭兩三日都係大路景點先,再加上我又感冒呢 … 唉 ><”
[路過蜻蜓 回覆 02/05/2012 12:48:41] 一路工幹一路玩囉!感冒多休息喇!
[和豚媽媽 回覆 02/05/2012 13:08:15] 正有此意!
其實去完九州我都plan會再去,因為有好多地方還未去,所以有好野記住通知我我去呀!
回覆刪除[和豚媽媽 回覆 02/05/2012 13:28:17] 我哋嗰啲攞命景點,就算你肯去,大食人都閙死你啦!而且又冇人剷雪 … 呵呵呵!
秘景好呀 ! 有新鮮感,去唔到,睇下都可以見識見識嘛 !
回覆刪除[和豚媽媽 回覆 02/09/2012 10:51:46] 你仲後生,駛驚去唔到? (メ▼ー▼)
[ck 鼠 回覆 02/09/2012 13:57:54] 後生 ? 話細唔細啦,你唔見我o的 blog 越出越少見樣o既咩 ? 而且我地兩個都唔識駕車
[和豚媽媽 回覆 02/09/2012 15:32:55] 咁我成日唔見様咪好大鑊(−_−;)搵個去學囉,去郊區,有車方便好多架(⌒▽⌒)
[ck 鼠 回覆 02/09/2012 21:53:29] 咁點同呢 ? 你一向冇出開鏡,我就越黎越少嘛 ! 唉 ~ 我都想 Ricky 去學呀 ! 佢話發夢炒車喎 !! 細膽鬼 !
[和豚媽媽 回覆 02/09/2012 22:35:07] 知驚先會小心駕駛,先有機會做個好司機吖嘛!嗰啲炒大鑊嘅,係發夢都冇諗過自己會炒車架嘛 (メ▼ー▼)
[ck 鼠 回覆 02/09/2012 22:47:33] 係喎 ! 有見解 !! 我將呢番說話 print 出黎貼o係佢床頭先 ! 多謝你呀 ~~~